Durbanville – Die Boer

Neil Sandilands & Schalk Joubert ken mekaar al dekades lank, maar dis eers redelik onlangs dat hul saam kreatief begin raak het. Schalk is inderdaad die man wie Neil aangespoor het om sy skrywes en toonsettings voor gehore te speel. In NamibSushiJunkies luister ons, soos Schalk dit die eerste keer gehoor het, toe Neil sy liedjies in ’n woonstel in Gardens gespeel het. Net die twee instrumente, baskitaar en akoestiese kitaar (of ukeleles), en die stem. Voor enige opnames. Intussen het Neil met ’n vol band leer speel, verskeie albums uitgereik en etlike landswye toere onderneem; maar gehore het hom nog nooit só, sonder al die klokkies en fluite gehoor nie. Ampers kaal as’t ware. Neil was onlangs in Berlyn en nuutskeppings het ook daar gebeur, wat hy dan nou vir die gehoor saambring. Die vriendskap tussen die twee SAMA benoemde tydgenote maak vir ’n uiters spesiale en intieme aand.